Aktuell / News

Songliste

suchen auf dieser Homepage Sitemap Impressum Konzertliste

Bibeli  von CD: BILDER GSCHICHTE

Musik / Text: L. Sommer

wi jede morge schleppe i mi usem bett
u stüüre mit usichrem schritt
fürne erschte check vore spiegel i mis bad
us den ouge ryben i mir pflotsch u ruess
när gniess' i mi vo chopf bis fuess
doch won i gnauer luege trifft mi fasch der schlag

i han es bibeli, mitts uf ein nasespitz
i han es bibeli, u stärnesiech grad itz
won i mir für dä hütig tag no so vil vorgnoh ha

dä tiefschlag am morge früeh verdou i schlächt
find' mi nid ab mit sovil päch
dä bibu springt doch jedem grad ids «olg»
da dergäge muess itz eifach öppis ga
i cremele u säubele u drücke dra
doch hani leider nume mässige erfolg

wüll eis bibeli, isch mi nase itzt
mis bibeli, isch gwachse wi der blitz
dert won i vor no nid so lang e nase no ha gha

mit gmischte gfüel verlahn i ds huus
i gspüre, das geit nid guet us
mit däm stopliecht i mim konterfei
u gopfridstutz itz gsehn i di
du redsch mit mir un i gseh gly
dass dini ouge nümme wyche wey

vo mim bibeli, mitts ufem nasespitz
mis bibeli, es het e guete sitz
u lüchtet, es cha niemerem entgah

u triffsch mi einisch mürrisch a
lan i di eifach so la stah
gan i dir einisch ohni grund us wäg
sött i mi chüel u froschtig gäh
de darfsch es nid pärsönlech näh
der grund für mis verhalte ligt allwäg

a mim bibeli, uf mim nasespitz
a mim bibeli, nume da dra ligts
dass i mi a dim ablick nid so fröie cha

i han es bibeli, mitts uf ein nasespitz
i han es bibeli, u stärnesiech grad itz

© Tschou-zäme

Google -Suche schliessen